Baandh Lain Haath Pe...

Baandh Lain Haath Pe, Seene Pe Saja Lain Tum Ko,
Ji Main Aata Hai Ke Taweez Bana Lain Tum Ko,

Phir Tumhain Roz Sanwaarain Tumain Barhta Dekhain,
Kyoon Na Aangan Main Chanbeli Sa Laga Lain Tum Ko,

Kabhi Khaabon Ki Tarah Aankh Ke Parde Main Raho,
Kabhi Khawaish Ki Tarah Dil Main Bula Lain Tum Ko,

Jis Tarah Raat Ke Seene Main Hai Mehtaab Ka Noor,
Apne Taareek Makaanon Main Saja Lein Tum Ko,

Kya Ajab Khaaishain Uthti Hain Hamaare Dil Main,
Kar Ke Munna Sa Hawaaon Main Uchhalain Tum Ko,

Is Qadar Toot Ke Tum Pe Hamain Pyar Aata Hai,
Apni Bahon Main Bharain Maar Hi Daalain Tum Ko...