Qurbaton Main Bhi...

Qurbaton main bhi judaai ke zamanay maangay
Dil wo be muhr ke ronay ke bahanay maangay

Hum na hotay tu kisi aur ke charchay hotay
Khalqat-e-shahar tu kehnay ko fasanay maangay

Yehi dil tha ke tarsa tha maraasim ke liye
Ab yehi tark-e-ta'alluq ke bahanay maangay

Apna ye haal ke ji haar chukay lut bhi chukay
Aur muhabbat wohi andaaz puranay maangay

Zindagi hum teray daaghon se rahay sharminda
Aur tu hai ke sada aaena khanay maangay....