Din ko sooraj tou diye jaltay hain shab bhar kitnay
Phir bhi andhiyaray hain insaan kay andar kitnay
Kitna ehsaas hai iss jism ki arayish kaa
Rooh kay saath magar dil bhi hain banjar kitnay
Tashnagi meri zameen ki nahi bujhnay paayi
youn tou baadal nay nichorhay hain samandar kitnay
Manzilen cheekh kar khud apna pata deti hain
Aur mehroom e sama'at rahay rehbar kitnay
Yeh tou ghairat ka taqaza hai naa umdein werna
Apni ankhon mein chupay rehtay hain saagar kitnay
Zehan jalta hai tou sochein bhi jal uth'ti hain
Aur ehsaas mein garh jatay hain khanjar kitnay
Log hans hans kar dilatay hain wafaaon ka yaqeen
Aur haath mein liye phirtay hain patharr kitnay
Jiss se insan ki Anwaar hui thi takhleeq
Roond daalay hain ussi khaak ne gohar kitnay......
0 comments:
Post a Comment