Tooti hai Meri...

Toti Hai Meri Neend Mager, Tum Ko Is Say Kia
Bajtay Rahay Hawa'on Say Dar, Tum Ko Is Say Kia

Tum Moj Moj Misal -e- Saba Ghomtay Raho
Kat Jaye Meri Soch Kay Par, Tum Ko Is Say Kia

Ouroon Ka Haath Thamo, Unhay Rasta DekhaO
Main Bhool Jaoon Apna He Ghar, Tum Ko Is Say Kia

Abar -e- Guraiz Pa Ko Barasnay Say Kia Garz
Seppi Main Ban Na Paye Guhar, Tum Ko Is Say Kia

Lay Jaye Mujh Ko Maal -e- Ganeemat Kay Sath Ado
Tum Nay Tu Daaal De Hai Saper, Tum Ko Is Say Kia

Tum Nay Tu Thak Kay Dasht Main Kheemay Laga Liye
Tanha Katay Kese Ka Safar, Tum Ko Is Say Kia