Baabul

Chalake hai aankhen, tarase hai man ye,
Rukii huee hai dhadkan, rukii rukii saansen
Dagamagaa rahii hoon main phir chalate chalate,
Mujhe thaamaa thaa mere bachapan me jaise,
Gudiyaa ko apanii apanaa haath phir thamaa de
Baabul mujhe phir se too apane paas bulaa le

Vo aangan kaa jhoolaa kyaa ab bhii padaa hai
Vo tulasii kaa poudhaa kyaa ab bhii khadaa hai
Vo starangii chhatarii, vo baarish kaa mousam,
Kaanch kii kashtii phir mere liye yek banaa de
Ek baar mujhako phir se vo bachapan loutaa de
Baabul mujhe phir se too apane paas bulaa le

Vo gudiyaa kii kanghii, vo khel khiloune,
Vo meraa takiyaa aur vo mere bichhoune,
Merii kuchh kitaaben thii, kuchh adhoore sapane,
Sapane vo mujhako yek baar phir se loutaa de
Yaa saamaan meraa gangaa me bahaa de…
Baabul mujhe phir se too apane paas bulaa le

Kaise zigar ke tukade ko kar diyaa toone paraayaa,
Dolii ke vakt toone jab kaleze se lagaayaa,
Maine sunaa thaa baabul teraa dil ro rahaa thaa,
Kaise rote dil ko toone phir thaa manaayaa
Baabul vaise hii dil ko yek baar phir too manaa le
Baabul mujhe phir se too apane paas bulaa le

Lagii tharatharaane jab lou zindagii kii,
Maine laakh tujhako diye the ishaare,
Maan ko bhejii thii kht me yek kalii murajhaaee,
Bhejii naa raakhii, chhod dii bhaaee kii soonii kalaaee
Magar betii tumhaarii ho chukii thii paraaee,
Shaayad nasiib apanaa samajhaa naa paaee,
Aakhirii baar merii aaj tum phir kar do vidaaee
Lekin vidaaee se pahale apanii najr me basaa le
Baabul mujhe phir se too apane paas bulaa le

Mujhe khaak karane ko chalaa thaa jab jmaanaa,
Kyon roye the tum bhii, mujhe ye bataanaa,
Aankhon me ab naa aansoo phir kabhii laanaa
Bhatak rahii hai rooh merii, tere pyaar ko phir se
Maathe pe haath rakh kar merii rooh ko sulaa de
Baabul mujhe phir se too apane paas bulaa le