Bahut Dair Hogae...

Main na kehti thi
Ek aisa din bhii ayega
Jab tum se juda hojaogay
Aur hum tum se
Bahut door chalay jaengay
Phir jab lout ke tum aogay
Aur humko na paogay
Tu
Khud ko bahut sataogay
Khud ko bahut rulaogay
Phir nagri nagri dhondogay Humko
Aur humko dhoond na paogay
Lout aogay thak kar tum
Aur jaan apni jalaogay
Aur yaadon ke bhanwar main
Khojaogay
Wo roothna
Wo manana
Wo hansna aur rona
Wo shikway aur shikayatain
Kabhi bhi bhool na paogay
Tanha kamray main
chup kar
deewaron se sar takraogay
Aur kahogay apnay aap se
"Main ne loutnay main itni dair kyon kardi"
"Main ne loutnay main itni dair kyon kardi"