Teri Zud Se

Teri Zud Se Nikalna Chahta Hai,
Ye Dariya Rukh Badalna Chahta Hai,

Wo Sapna Jiski Surat Hi Nahi Hai,
Meri Aankhon Mein Chalna Chahta Hai,

Dilon Ki Mandagi Pe Kya Ta'ajub,
Ke Suraj Bhi To Dhalna Chahta Hai,

Nashist-E-Dard Badli Hai To Ab Dil,
Zara Pehloo Badalna Chahta Hai,

Mujhe Bhi Samna Hai Karbala Ka,
Mera Sar Bhi Uchhalna Chahta Hai,

Nahi Hai Tarjumaan-E-Gam Ye Aansu,
Ye Paani Ab Ubalna Chahta Hai,

Tabassum Zar-E-Lab Kehta Hai,
Koi Jazba Machalna Chahta Hai...

Khuda jaanay

dil ko kya ho gaya khuda jaane
kyoon hai aisa udaas kya jaane

keh diya maiNe haal-e-dil apnaa
isko tum jaano ya khuda jaane

jaante-jaante hi jaanega
muJhme kya hai abhi wo kya jaane

tum na paaOge sada-dil muJhsa
jo tagaful ko bhi hayaa jaane

Bhool Jaa

mat shab-e-gham mein uski tamana jala, ay dil-e-muztarib tu ussay bhool ja
khali aankhoon ko na ratjagoon se saja ,ay dil-e-muztarib tu ussay bhool ja

meri shamien udassi mein dhalti rahien,na'umeedi liya mera din hoo shroo
kab talak zeest mujh per hansay gi bata,ay dil-e-muztarib tu ussay bhool ja

lams utra tha uss ka rag-o-jan mein,tha kabhi wo hamaray meherban mein
ab nahin hey mager thi jo uss ki ata,ay dil-e-muztarib tu ussay bhool ja

hijr ki sakhtiyan mein sahoon kis liya,uss nay dekha nahin mur k ek baar bhi
maan lo k hamara nahin wo raha,ay dil-e-muztarib tu ussay bhool ja

yaad k dairoon ka safer ab nahin,chahiye bewafa' koi manzil nai...........
herf-e-aakhir nahin wo meri zaat ka,ay dil-e-muztarib tu ussay bhool ja

Ke Meri Zindagi Tum ho

mujhay ek baat kehni thi, tumhain itna bataana tha
ke meri zindagi ho tum , tumhain hi sochta hon main

buhat masrof rehta hon , buhat say kaam hain mujh ko
magar tum say nahin ghafil,tumhain hi sochta hon main

buhat say log miltay thay , magar jab say tumhain dekha
na janay kya hua mujh ko , tumhain hi soochta hoon main

mujhay auroon say kya lena, mera logoon say kya rishta
meri dunya ho tum hi tum , tumhain hi soochta hoon main

nigahoon main basi ho tum , khayaloon main samai ho
sukoon-e-dil ho tum mera, tumhian hi soochta hoon main

buhat mushkil hai ye jeena, tumharay bin mera rehna
kay meri saans main ho tum , tumhain hi sochta hon main

kabhi tanhai main betho, agar tanhai main tum ho
tou itna yaad kar lena , tumhain hi soochta hoon main

Hogaye Aankh Gulaabi

Ho Gaye Aankh Gulaabi Dekhiey
Ishq Ki Haazir Jawaabi Dekhiey

Raaz-E-Dil Parh Lega Zaalim Aaina
Sooch Kar Chehra Kitaabi Dekhiey

Jaatay Jaatay Dooriyan Jaati Rahin
Dosti Ki Kaamiyaabi Dekhiey

Pyaar K Lamhay Parindon Say Urray
Waqt Ki Khaana Kharaabi Dekhiey

hai ABhi Paaqi Puraani Khushboain
Khool Kar Woh Khat Jawaabi Dekhiey

Yohn Nahin Banti Gulaaboon Si Ghazal
Ghool Kar Rangat Gulaabi Dekhiey

Muhabbat Aur Kahani

Tumhein Kaisy Batayein Hum
Muhabbat Aur Kahani Mein Koi Rishta Nahi Hota
Kahani Mein
To Hum Wapis bhi Atay Hain
Muhabbat Mein Palatney Ka Koi
Rasta Nahi Hota
Zara Socho!
Kabhi Dil Mein Kharashein Daltii Yaadon Ki Saffakii
Kabhi Daman Se Liptii Hay
Kisi Bhooli Hui Saa'at Ki NumNaaki
Mujhay Dekho...
Mery Chehrey Par Kitnay Mausamon Ki Gard Hay
Aur Iss Gard Ki Teh Mein
Samay Ki Dhoop Mein Rakha Hua Ek Aayina
Aur Aayiney Mein Taa Hadd-e-Nazar Tak Phaily
Muhabbat ke Sitarey Aks Ban Kar Jhilmilatey Hain
Nayii Duniyaoon Ka Rasta Batatey Hain
Lakeeron Mein Kahani Hay
Kahani Aur Muhabbat Mein Azal Se Jung Jari Hay
Muhabbat Mein Ek Aisa Morr Ata Hay
Jahan Aa Kar Kahani Haar Jati Hay
Kahani Mein To Kuch Kirdaar Hum
Khud Farz Kartay Hain
Muhabbat Mein Koi Kirdaar bhi
Farzii Nahi Hota
Kahani Ko Kayii Kirdaar
Mil Jul Kar Kahin Aagay Chalatey Hain
Muhabbat Apney Kirdaron Ko Khud
Aagay Barhatii Hay
Kahani Mein Kayii Kirdaar Zinda Hi Nahi Rehtay
Muhabbat Apney Kirdaron Ko Marney Hi Nahi Deti
Kahani ke Safar Mein
Manzaron Ki Dhool Urrti Hay
Muhabbat Ki Musafat RaahGeeron Ko
Bikharney Hi Nahi Deti
Muhabbat Ik Shajar Hay
Aur Shajar Ko Iss Se Kya Matlub
ke Iss ke Saye Mein Jo bhi Thaka Haara
Musafir Aa ke Baitha Hay
Ab Iss Ki Nasl Kya Hay, Rung Kaisa Hay
Kahan Se Aaya Hay Kis Simt Jana Hay
Shajar Ka Kaam To Bas Chhaon Dena
Dhoop Sehna Hay
Isay Iss Se Garaz Kya Hay
Parrao Dalney Walon Mein Kis Ne
Chhaon Ki Taqseem Ka Jhagrra Uthaya Hay
Kahan Kis Ehad Ko Torra,
Kahan Waada Nibhaya Hay
Magar Hum Jantey Hain
Chhaon Jab Taqseem Ho Jaye
To Aksar Dhoop ki Naizey
Rag-o-Pay Mein Utartey Hain
Aur Iss k Zakhm Khurda Log
Jeetay Hain Na Martay Hain...!!!

Nahin Samjha Woh

Nahi samjha wo ab tak baat meri
Preshan ho main apne meharban se
Wafa se bewafayi k byan se
Sunao dastan apni kaha se
Shikayat kya karoga bad-guma se
Na keh paoga kuch apni zuban se
Chalonga sath tere ai (name)
Ijazat le to lo dard-nihan se
Vahin se zindgi bhatki hai meri
Tumhara sath chuta hai jahan se
Hamare karvan ko kis ne lota
Chalo poche ye meer-e-karvan se
Vo kyu afsurda hai mayos kyu hai
Chalo pochhein zara ujde makan se
Nahi samjha vo ab tak baat meri
Preshan ho main apne meharban se...

Jeenay Ke Liye Waqt Nahin

Har khushi Hai Logon K Daman Mein
Par Ek Hansi Ke Liye Waqt Nahi.
Din Raat Daudti Duniya Mein,
Zindagi Ke Liye Hi Waqt Nahi.


Maa Ki Loree Ka Ehsaas To Hai,
Par Maa Ko Maa Kehne Ka Waqt Nahi.
Saare Rishton Ko To Hum Maar Chuke,
Ab Unhe Dafnane Ka Bhi Waqt Nahi.


Saare Naam Mobile Mein Hain,
Par Dosti Ke Lye Waqt Nahi.
Gairon Ki Kya Baat Karen,
Jab Apno Ke Liye Hi Waqt Nahi.


Aankhon Me Hai Neend Badee,
Par Sone Ka Waqt Nahi.
Dil Hai Ghamon Se Bhara Hua,
Par Rone Ka Bhi Waqt Nahi.


Paison ki Daud Me Aise Daude,
Ki Thakne ka Bhi Waqt Nahi.
Paraye Ehsason Ki Kya Kadr Karein,
Jab Apane Sapno Ke Liye Hi Waqt Nahi.


Tu Hi Bata E Zindagi,
Iss Zindagi Ka Kya Hoga,
Ki Har Pal Marne Walon Ko,
Jeene Ke Liye Bhi Waqt Nahi.... 

Aey Khuda

Aye Khuda Tune Muhobbat Ye Banai Kyun Hai?
Gar Banaye To Muhobbat Main Judai Kyun Hai?


Kyun Diya Pyar Mujhe Iski Zaroorat Kya Thi?
Meri Barbadi Me Shamil Teri Hikmat Kya Thi?
Meri Raahon Me Khushbu Ka Safar Rehta Tha
Dil Me Aabaad Gulaboun Ka Nagar Rehta Tha
Zindagi Khaar Bhari Raah main Layi Kyun Hai?
Aye Khuda Tune Muhobbat Ye Banai Kyun Hai?


Mai Hoon Bikhra Hua Gardish Me Sitare Mere
Gham Ke Tufan Mai Doobe Hai Kinare Mere
Na Khatavaar Na Mujrim Na Gunahgar Hoon Main
Sach To Ye Hai Ki Muhobbat Ka Parastar Hu Main
Yeh saza Phirbhi Mere Hisse Mai Ayee Kyun Hai?
Aye Khuda Tune Muhobaat Ye Banae Kyu Hai


Mai Agar Roun To Sehra Ko Samandar Kar Doon
Sakht Ho Jaoon Agar Mome Ko Pathar Kar Doon
Raakh Ho Jaye Jahaan Mai Jo Agar Aah Bharun
Aasma Toot pare Tujse Jo Fariyad Karu
Etni Gehraaee Mere Ishq Mai Aai Kyun Hai?

Na Khushi Ab

apni hastee ka hota sabhi ko paas hai

apni apni nazar maen har koi khaas hai

voh khushi jiski yaas maen gum umr sari

gar sochho to vohi dil ke aaspaas hai

yun to sabhi apne apne safar ke musafir

par ek hamsafar ki har kisi ko aas hai

tishnagi badhne lagi deedaare-yaar ki

bujhti nahi jo kabhi ye voh pyaas hai

ladkhadati zubaan shikwaye-jaure-adoo

hota nahi hamse zore-tarke-ikhlaas hai

hoga jahaan maen qayam aman kis tarah

aadmi ko hi nahi aata aadmi raas hai

husno-ishq se pare aaj fikro-nazar meri

pehlu maen tere dil phir bhi udaas hai

behis hui jati hai "fer" aalame-zindagi

na khushi ab koi na ghame-ehsaas hai

Khamoshi Keh Rahi Hai

Khamoshi keh rahi hai kaan main kiya 

Aa raha hai mere gumaan main kiya 

ab mujhe koii Toktaa bhi nahin 

yahi hota hai khandaan main kiya 

bolte kiyun nahin mere haq main 

Aable paDr gaye zubaan main kiya 

meri har baat be-asar hi rahi 

nuqs hai kuch mere bayaan main kiya 

who mile to ye puchna hai mujhe 

abhi hun mai teri Aamaan main kiya 

shaam hi se dukaan-e-diid hai band 

nahin nuksaan tak dukaan main kiya 

yun jo taktaa hai Aasmaan ko tu 

koii rehta hai Aasmaan main kiya 

ye mujhe chain kyun nahin paDrta 

ek hi shaKhs tha jahaan main kiya

Abhi Dard Baaqi Hai

abhi woh dard baqi hai 

agarche waqt marham hai 

magar kuch waqt lagta hai 

kisi ko bhool janey mein

dobara dil basaney mein 

abhi kuch waqt lagna hai

abhi woh dard baqi hai 

mein kaise naii ulfat mein

apni zaat ko gum kar doon 

ke mere jism-o-wajdaan mein

abhi woh fard baqi hai 

abhi us shakhs ki mujh per

nigah-e-sard baqi hai 

abhi to ishq ke raston ki 

mujh per gard baqi hai 

abhi woh dard baqi hai.....

Sach

Abhi Woh Dard Baqi Hay...... 

Jis Samt Bhi Dekhun

Jis samt bhi dekhoon nazar aata hai k tum ho !
Aai jaan-e-jahaa(n) ! ye koi tum sa hai k tum ho !

Ye khwaab hai, khushbu hai k jhaunka hai k pal hai
Ye dhund hai, baadal hai k saaya hai k tum ho !

Is deed ki saa'at mein kaee rang hain larzaa(n)
Main hoon k koi aur hai, duniya hai k tum ho !

Dekho ye kisi aur ki aankhein hain k meri !
Dekhoon ye kisi aur ka chehra hai k tum ho !

Ye umr-e-gurezaa(n) kahin tthehre to ye jaanoon
Har saans mein mujh ko yehi lagta hai k tum ho !

Har bazm mein mauzu-e-sukhan, dil-zadgaa(n) ka
Ab kaun hai, Sheereen hai k Laila hai k tum ho !

Ik dard ka phaila hua sehra hai k main hoon !
Ik mauj mein aaya hua darya hai k tum ho !

Wo waqt na aaye k dil-e-zaar bhi soche
Is shehr mein tanha koi ham sa hai k tum ho !

Aabaad ham aashufta-saron se nahi maqtal
Ye rasm bhi is shehr mein zinda hai k tum ho

Aai jaan-e-Faraaz ! itni bhi taufeeq kise thi
Ham ko gham-e-hasti bhi gavaara hai k tum ho !

Saaray Mausam Muhabbat Ke

Suno!

Main Jii Rahi Hoon

Jaan Loo

Nummi Ankhon Main Rehti Bhi Rai To Kya 

Main Abb Bhi Muskurati Hoon

Suno!

Yeh Dil 

Keh Jiss Ko Dekh Na Paye

Yeh Mera Dil

Buht Se Daagh Rakhta Hai

Mager Phir Bhi Dherkta Hai

Ke Main Ne Abb Bhi

Judaioon Ke Taweel Zard Mosmoon Main Bhi

Unn Meethi,Talakh Sari Yadoon Ko

Apny Damann Main Chunn Rakha Hai

To Kya Hua Hai

Jo Tum Ne Sab Kuch Bhulla Dya Hai

Wo Sare Mosam Muhabatoon Ke

Meri Mataye e Hayat Hain Wo Puranye Lahmay

Tumhari Yadain,Mera Assasa

Wo Sarey Mosam Muhabaton Ke

Wo Sari Batain

Tumhara Lehja

Gaye Huye Mah O Saal Sarey

Wo Ehde E Rafta

Abhi Bhi Muthi Main Qyed Hain

Wo Sabhi Sitarye

Muhbaton Ke Wo Istaarye

Wo Sabb Isharye

Keh Main Ne Abb Bhi

Judaioon Ke Taweel Zard Mosmoon Main Bhi

Unn Meethi,Talakh Sari Yadoon Ko

Apny Damann Main Chunn Rakha Hai

To Kya Hua Hai

Jo Tum Ne Sab Kuch Bhulla Dya Hai 

Yaqeen Janeye!

Usay mera ahsas hi nai

Shayad usey mujh sey piyar hi nai

Mein lakh wafaon k bawajood har gayi

Usay shayad meri piyas hi nai

Zindagi sey ab to dar lagney laga hey

Mout pe bhi apna koe ikhtiyar nai 

Chand lamho ki rafaqat bas gai dil mein

Aur wo chala gaya you k koe us k sath nai

Khush hey mujh sey bicher k youn

Jesey usey ko chiz ka koe malala hi nai

Mein na kehti thi 

Aik aisa din b ayega

Jab tum hum sey juda hojaogey

Aur hum tum sey door chaley jaye gey

Phir lout k jab tum aogey

Tu hum ko na pao gey to!

Khud bhat rulaogey

Aur khud ko bahut sataogey

Phir nagri nagri dhondo gey hum ko

Aur hum ko dhond na pogey

Loat aogey thak k tum 

Aur jan apni jalaogey

Aur yado k bhawar mein kho jaogey

Mere bin khud ko bhat tanha paogey

Wo rothna manana 

Wo hansna aur rodena

Wo qurbatey fasley wo ranjishey adawatey

Wo shikway aur shikayatey

Kabhi bhool na paogey 

Tanha kamre mein chup k

Diwaron se sar takraogey

Aur kahogey k apney ap se khud

Mein ney lotney mein itni dair q kardi?

Wafa ki qadar wo bewafa kia janta

Jo hey khud sarapa-e-jafa wo jafa ko bura kia janta

Usay mohabbat thi kisi or bewafa sey

Wo apni ki hoi bewafai ko bura kia janta

Hogaye mere khuwab reza reza 

Tor k dil k hasney ko wo bura kia janta

Nai maloom tha humey k youn juda b hona hey

Aas dey k dil torney ko bura wo kia janta

Hogaya hey wo pathar ki manind sakht dil

Meri ankhon mein ansoon ko bura wo kia janta

Kar k mohabat chor di jis ney ulfat

Wo kisi aur bewafa ko bura kia janta

Zaroorat hi samjhta raha humey aj tak

Meri wafa ki qadar wo bewafa kia janta

Chor gaya hey mujhey to yadey b sath leta ja

Jo ki thi mujh sey wo sari batey sath leta ja

Tu khush hey apni dunya mein,mein teri dunya mein rehti hon

Apney dard ,ghum,anso ye sab nishaniya b sath leta ja

Aayegi jo yad tum ko meri ankhey to kia karogey

Chalo aisa karo in ankhon ki sari udasi b sath leta ja

Karogey yad to har bat udas kar jayegi

Wo tuhfey wo qisey wo yadey b sath leta ja

Mein bolaon or woh lot aye

Yaqin janiye aisey halat nai

Is dunya mein ab ji nai lagta

Werna aisi to koe bat nai

Meri ankhon k goshey bighey 

Tu us ki ankhey bhi sulgey

Yaqin janiye

Ab aise  koe ahsasat nai

Mere dard pe roney wala

Wo mera khayal rakhney wala

Wo piyar mujh hi ko karney wala

Mein yad karo us ko or wo ajaye

Haan! ab aise jazbat nai

Wo jo aik sada pe ata tha

Bulaye na bulaye her pal sath nibhata tha

Jo mujhey hasata tha

Mujhey samjhata tha

Ab is tanhai k ashaob nagaer mein

Ab wo mere sath nai

Ab pehli si us mein wo bat nai

Haan..........
Yaqin janiye..........!

Ab pehley se halat nai

Jazbat nai

Ahsasat nai

written by

"Rahat"

Zindagi Kis Tarah...

Zindagi kis tarah bitaogay
Paas apnay jab humain na paogay,

Din main tanhaiyaan satayengi
Raat ko chonk kar uth jaogay,

Raat bhar neend kyon nahin ati
Tum ye khud bhi samajh na paogay,

Log pochaengay tanhai ka sabab
Kya chupaogay? kya bataogay,

Palkain har baar bheeg jayengi
Jab kabhi khul ke muskuraogay,

Meri yaayaadain bahut satayengi
Jab bhi baarish main bheeg jaogay,

Khud ko tanha na paa sakogay kabhi
Har jagah mera aks paogay,

Jab bhi chahay lout kar dekhna
Mujhko aisi hi mukhlis paogay.....

Haath Aankhon Pe Rakh...

haath aankhon pe rakh lene se khatraa nahin jaata
diwaar se bhuuchal ko roka nahin jaata
daavon ki taraazu mein toh azmat nahin tulti
fiite se toh qirdaar ko naapaa nahin jaata
farmaan se pedon pe kabhi phal nahin lagte
talwar se mausam ko badla nahin jaata
chorr apne gharon mein toh nahin naqab lagate
apni hi kamai ko toh luuta nahin jaata
auron ke khayalaat ki lete hain talaashi
aur apne garibaan mein jhaanka nahin jaata
faulaad se faulaad toh kat sakta hai lekin
kaanuun se kaanuun badla nahin jaata
tufaan mein ho naav toh kuch sabr bhi aa jaaye
saahil pe khade ho ke toh duba nahin jaata
dariya ke kinare toh pahunch jaate hain pyaase
pyasoon ke gharon tak toh dariya nahin jaata
Allah jise chahe usse milti hai "“Muzaffar”
izzat ko dukaanon se khariida nahin jaata

Aye Khuda...

Aye Khuda Tune Muhobbat Ye Banai Kyun Hai?
Gar Banaye To Muhobbat Main Judai Kyun Hai?

Kyun Diya Pyar Mujhe Iski Zaroorat Kya Thi?
Meri Barbadi Me Shamil Teri Hikmat Kya Thi?
Meri Raahon Me Khushbu Ka Safar Rehta Tha
Dil Me Aabaad Gulaboun Ka Nagar Rehta Tha
Zindagi Khaar Bhari Raah main Layi Kyun Hai?
Aye Khuda Tune Muhobbat Ye Banai Kyun Hai?

Mai Hoon Bikhra Hua Gardish Me Sitare Mere
Gham Ke Tufan Mai Doobe Hai Kinare Mere
Na Khatavaar Na Mujrim Na Gunahgar Hoon Main
Sach To Ye Hai Ki Muhobbat Ka Parastar Hu Main
Yeh saza Phirbhi Mere Hisse Mai Ayee Kyun Hai?
Aye Khuda Tune Muhobaat Ye Banae Kyu Hai?

Mai Agar Roun To Sehra Ko Samandar Kar Doon
Sakht Ho Jaoon Agar Mome Ko Pathar Kar Doon
Raakh Ho Jaye Jahaan Mai Jo Agar Aah Bharun
Aasma Toot pare Tujse Jo Fariyad Karu
Etni Gehraaee Mere Ishq Mai Aai Kyun Hai?

Na Zikr Karo...

na zikar karo oss ka na baat kissi gair ki ho
khamoshiyan hi rehney do iss baar mera dil toota hai

hai kisey chah roshni ki ye shama kiss ne jalayi hai
tarikyun ko chaney do iss baar mera dil toota hai

ik umeed dil mein basayi thi ab baki nhin hai kuch bi
tanha zeest guzarney doh iss baar mera dil toota hai

apnoon ne humein thukraya hai gair bhala apnaye kyun
mat poocho mujh se haal mera iss baar mera dil toota hai

kyun mangu kissi se mein panah kyun jaoon kissi ki chokhat pe
aye rab tujhi se hai gila ke iss baar mera dil toota hai

asaar mere samje n mere gham ki had jani
nhin talab baki koi mehfil ki iss baar mera dil toota hai

na urao meri yun hansi na dekho aesi nazroon se
mein sach kehta hoon tum se iss baar mera dil toota hai

piya nhin jata hai mujh se ayaam ki iss talkhi ko
lehad mein mujhe ab so janey doh iss baar mera dil toota hai

dil ke har ik tukrey se yehi ik sada bas ati ahi
rakh doh kalam ko ye keh ke iss baar mera dil toota hai

Muhabbat Main..

Muhabbaton main havis k aseer hum bhi nhi
galat na jan k itney haqeer hum bhi nhi

nhi ho tum bhi qayamat ki tando taiz hawa
kisi k naqsh-e-qadam ki lakeer hum bhi nhi

humari dobti nabzo sey zindagi tu na maang
key sakhi tu hainn magar itny ameer hum bhi nhi

humain mita dey humari ana ko qatal na ker
k bey zarar hi sahi per bezameer hum bhi nhi