Bichar Kai Mujh Say...

Bichar Kai Mujh Say Ye Mashghala Ikhtiyar Karna,
Hava Say Darna,Bujhay Charaghon Say Piyar Karna,
Khuli Zameenon Mai Jab Bhi Sarson K Phool Mahken,
Tum Aisi Rut Mai Sada Mera Intizar Karna,
Jo Log Chahen Tu Phir Tumhay Yaad Bhi Na Aaen,
Kabhi Kabhi Tum Mujhay Bhi Un Mai Shumar Karna,
Kisi Ko Ilzam Baywafaee Ka Kabhi Na Daina,
Mari Tarah Apnay Aap Ko Saugawar Karna,
Tamam Waaday Kaha Talak Yaad Rakh Sako Gay?
Jo Bhool Jaay Wo Aahad Bhi Ustawar Karna,
Yah Kis Ki Ankhon Nay Badlon Ko Sikha Diya Hay,
Kai Seena Sang Say Ravan Aabshar Karna,
Mai Zindgy Say Na Is Liyay Bhi Khul Saka Faiq,
Kai Behtay Paani Pay Kab Talak Aaytbar Karna…