Ho Kar Begaane Bhi...

Ho kar begaane bhee kyon apne se lagte ho,
Ho itni duir phir bhee kyon kareeb lagte ho,

Chhor denge teri yaadon ko kahin door,
Ris ris kar roj yuin tadpaate kyon ho,

Dil kei jharokhon mei ik tasveer hai teri,
Dhoondhli he sahi phir bhee aankho mei baste kyon ho,

Koi chhere jo jikar tera to honth farfarate hain,
Aah nikle na kahin bas aansoo ban dhalte kyon ho,

Mudatt se nahi hui koi baat to kaya,
Sapno mei aksar baatein karte kyon ho...