Farz Karo Hum Dono...

Farz karo hum dono samandar kinare bethe hon,
Batein hum karte jayein aur paoon paani mein geelein hon,
Mein rooth kar tumse kisi baat pe kafa hojati hoon,
Meri zulfon ko pyar se hata kar mujhko phir manatay ho,
Mein tumhari kisi baat pe zor se hansne lagti ho,
Tum ulfat aur chahat se mujhe takte jatay ho,
Mein kucch sharma kar kucch ghabra kar nazrein jhuka leti hon,
Tum meri iss halat per aik qehqaha teiz lagatay ho,
Hum uth kar phir sahil se sath sath chaltay ho,
Mere kho jane ke darr se tum khaufzada hojatay ho,
Darti hooon mein tumse kahin biccharrh na jao,
Thaam kar tum meri kalayi armano se kehtay ho,
Farz karo ke aaj bhi tum sirf aur sirf mujhko hi chahtay ho,
Farz karo yeh sab kuch farz na ho haqeeqat ho…