Ek Khayal Si Bankar...

Ek Khayal Si Bankar Baithi Ho Hotho Par Lekar Baat Koi,
Baanho Me Tumko Bhar Lega Hatho Me Lekar Haath Koi,

Subah Ki Narm Dhoop Se Chehra Roshan Sa Lagta Hai,
Aankhe Noorani Kaali Hain Jaise Taaro Se Jhilmil Raat Koi,

Hotho Pe Tabassum Chalki Hai Jaane Dil Me Kya Aaya Hai,
Shayad Kehne Wali Ho, Dil Mai Hai Ankaha Sa Zabtt Koi,

Sadiyo Si Lambi Doori Hai Lekin Phir Bhi Shayad Mumkin Ho,
Hum Mil Jaye Kahin Kabhi Shayad, Tumse Ho Apni Mulaqat Koi...