Jis Simt Bhi Dekhoon...

Jis simt bhi dekhon tu nazar aata hai ke tum ho
aey jaan-e-jahan ye koi saaya hai ke tum ho,

Ye khuwaab hai, khushboo hai, Jhonka hai ke pal hai
Ye dhund hai, baadal hai, saaya hai ke tum ho,

Us deed ki saa'at main ka'i hain larzaan
Main hoon ke koi aur dunya hai ke tum ho,

Dekho ye kisi aur ki aankhain hain ke meri
Dekho ye kisi aur ka chehra hai ke tum ho,

Ye umr guraizaan kahin tahray tu ye junoon
Har saans main mujhko ye lagta ai ke tum ho,

Har bazm main mozo-e-sukhan dil zadgaan ka
Ab koun hai sheerain hai ke laila hai ke tum ho,

Ek dard ka phaila howa sahra hai ke main hoon
Ek mouj main aaya howa darya hai ke tum ho,

Wo waqt na aye ke dil-e-zaar bhi sochay
Is shahar main tanha koi hum sa hai ke tum ho,

Aey jaan-e-faraz Itni bhi toufeq kisay thi
Hum ko ghum-e-hasti bhi gawara hai ke tum ho....