Jo Teray Koi Bhi...

Jo teray koi bhi din raat na janay meray
Tu kahan hai magar hai aey dost puraanay meray

Tu bhi khushboo hai magar mera tajassus bekaar
Barg-e-aawara ki maanind thikaanay meray

Shama ki lo thi wo tu tha magar hijr ki raat
Dair tak rota raha koi sirhaanay meray,

Khalq ki be khabari hai ke meri ruswaai
Log mujhko hi sunaatay hain fasaanay meray

Lut ke bhi khush hoon ke ashkon se bhara hai daaman
Dekh ghaarat gar-e-dil ye bhi khazaanay meray....