Ma'bood...

Bahut haseen hain teri aqeedaton ke gulaab
Haseen tar hai magar har gul-e-khayaal tera
Hum ek dard ke rishtay main munsalik dono
Tujhay azeez mera fun mujhay jamaal tera,

Magar tujhay ma'loom qurbaton ke alam
Teri nigah mujhay faaslon se chahti hai
Tujhay khabar nahin shayad ke khalwaton main meri
Laho ugalti hui zindagi karaahti hai,

Tujhay khabar nahin shayad ke hum wahan hain jahan
Ye fun nahin hai azziyyat hai zindagi bhar ki
Yahan gilooye jinoon par kamand parti hai
Yahan qalam ki zabaan par hai noak khanjar ki...