Meray hont mat si...

Meray hont mat si mujhay izhaar ka moqa dai dai
Ishq jurm hai tu iqraar ka moqa dai dai,

Ankhon ankhon hi main kehlunga jo kehna hai mujhay
Ek pal ke liye deedar ka moqa dai dai,

Kar lay tasleem meri khamoosh muhabbat
Ya sar-e-aam mujhay pyar ka moqa dai dai,

Khatam karday dar-o-deewar ki har pabandi
Ya tawaaf-e-dar-o-deewar ka moqa dai dai,

Jeet jana mera shayad tujhe bardaasht na ho
Khel aisa khel Mujhay haar ka moqa dai dai....