Ghum-e-zindagi...

Ghum-e-zindagi teri raah main
Shab-o-roz teri chah main
Jo ujar gaya wo basa nahin
Jo bichar gaya wo mila nahin
Jo dil-o-nazar ka suroor tha
Meray paas reh kar bhi door tha
Wohi ek gulaab ummeed ka
Meri shhakh-e-jaan pay khila nahin
Mera humsafar ajeeb hai
Aur main bhi ajeeb tar hoon
Mujhay manzilon ki khabar nahin
Usay raaston ka pata nahin
Pas-e-kaarwaan sar-e-rah guzar
Main hairaan hoon tu islie
Ke qadam tu sab se mila liye
Mera dil kisi se mila nahin...