Tumhain Dil Lagi...

Tumhain Dil Lagi Bhool Jani Paray Ge
Mohabbat Ki Rahoon Main Aakar Tu Dekhoo Tarapne
Pe Mere Na Phir Tum Hansoo Gay
Kabhy Dil Kisi Se Laga Kar Tu Dekhoo,

Wafaon Ki Hum Se Tawaqoo Nahi Hain
Magar Aik Baar Aazmaa Kar Tu Dekhoo
Zamane Ko Apna Bana Kar Tu Dekha
Humain Bhi Tum Apna Bana Kar Tu Dekhoo,

Khuda Ke Liye Chor Do Ab Yeh Parda
Ka Hain Aaj Hum Tum Nahi Gair Koi
Shab-E-Wisal Bhi Hai Hijaab Is Qadar Kiun
Zara Rukh Se Anchal Hata Kar Tu Dekhoo,

Jafahain Buhut Kee Buhut Zulm Dhaai
Kabhy Ek Nigah-E-Karam Is Taraf Bhi
Hamesha Huay Dekh Kar Mujh Ko Barham
Zara Sa Kabhy Muskura Kar Tu Dekhoo,

Jo Ulfat Main Her Aik Sitam Hai Gawara
Yeh Sub Kuch Hai Pass-E-Wafa Tumse Warna
Sutate Hoo Din Raat Jis Taraha Mujh Ko
Kisi Gair Ko Yun Sata Kar Tu Dekhoo,

Agarcha Kisi Baat Per Woh Khafa Hain
Tu Aacha Yehi Hai Ke Tum Apni See Karloo
Woh Manay Na Manay Yeh Marzy Hai Un Ki
Magar Un Ko Purnam Mana Kar Tu Dekhoo,

Muhabbat Ki Rahoon Main Aakar Tu Dekhoo....