Ashk Ki Tarah...

Palkon pe ashk ki tarah rakha na kar mujhay
Sahra ka main seraab hoon roya na kar mujhay,

Main jaon apni jaan se aur roye tu umr bhar
Ab is qadr bhi toot ke chaha na kar mujhay,

Bandhan na toot jaen kaheen zabt ke aey dost!
Nazrain utha ke is tarah dekha na kar mujhay,

Main kya bataon kya hoon mujhay bhi khabar nahin
Tu khud main itna doob ke socha na kar mujhay,

Ashkon ka ek aasra hi reh gaya hai ab
Dil khol ke jo ro'un tu roka na kar mujhay,

Insan hoon aur hoon dard ki mehrab ka diya
Khushyon ki mehil main dhoonda na kar mujhay....