Bila Jawaz Rakhain...

Bila jawaz rakhein khud ko beqarar bhi kion...
jo tu nahin to phir tera intezar bhi kion...

akele pan ka safar jab mera muqaddar hai...
to phir ae wada shikan teri rehguzar bhi kion...

usey ganwa ke raha ab khizaon ki zad mein...
jo woh nahin to phir mosam-e-bahar bhi kion...

agar bhulaye hoe us ko aik umar hoi...
to phir ye aaj tabeat hai sogwar bhi kion...

woh jin lamhon mein yaqeen-e-wafa mehak na sake...
phir un lamhat ki khuwahish ho aik baar bhi kion...

jab us ko shoq tha raston ki dhool hone ka...
palat ke dekhta jaata tha baar baar bhi kion