Muhabbat Ho Tu...

Muhabbat ho tu batlaana
Ke isi ummeed par ye dil bhi zinda hai
Meri jaanan
Kisi andekhay sapnay ki paadash main
Yunhi rotay rotay muskurana
Haan....
Kabhi tu ho hi jaegi muhabbat
Kisi ki paogi ek roz qurbat
Ke bin jeena bhi uskay phir azaab hoga
Nigaahon main bhi koi sundar khuwaab hoga
Sub an kahay lafzon ko
Sub se hai chupaana
Ke khud ko dekh kar aayenay main
Bina sochay bina samjhay
yunhi thora sa sharmaana
Ke....
Ye sub ho hi jayega achaanak
Magar humko bhi na bhool jana
Haan....
Isi ummeed par tu dil zinda hai
Meri jaanan
Muhabbat ho tu batlaana.....