Itni Muddat Baad Milay...

Itni muddat baad mile ho
Kin sochoun men gum phirte ho
Itne khife kiyun rehte ho
Her aahat se der jaate ho
Taiz hawa ne mujh se poocha
Rait pe kiya likhte rehte ho
Kaash koi hum se bhi pouche
Raat gaye tak kiyun jaage ho
Men derya se bhi derta hoon
Tum derya se bhi gehre ho
Koun si baat hai tum men aisi
Itne ache kiyun lagte ho
Peeche mudr ker kiyun dekha tha
Pather ban ker kiya takte ho
Jaou jeet ka jashan manaou
Men jhoota hoon tum sache ho
Apne shaher ke sab logoun se
Meri khatir kiyun uljhey ho
Kehne ko rehte ho dil men
Phir bhi kitne door kharey ho
Raat humain kuch yaad nahin tha
Raat bohat he yaad aaye ho
Hum se na pooch hijr ke qissey
Apni kaho ab tum kesey ho
Mohsin tum badnaam bohat ho
Jaisey bhi ho phir bhi ache ho..