Mere hum nawa teri be rukhi dil-e-mubtala ki shikast he
Ise kis tara men kahon fatah yeh meri ana ki shikast he
Tum chale gae muje chor kr men ne phr tum ko sdaen di
Mere humsafar tum ruke nahi ye meri sada ki shikast he
Tujhay la ky dil men bitha dia tujhe raz har ik bata dia
Tu nay phir b koi wafa na ki yeh meri wafa ki shikast he
Men charagh-e-kuhna mizaj tha tujhe bijlion ki talab rahi
Mujhe aandhiyon ne bujha dia yeh meri zia ki shikast he
Mujhe is tarah na satao gay mujhey zoam tha k na jao ge
Mera ghalat wehm-o-guman ye meri inteha ki shikast he
Mujhe koi tujh se gila nahi tu mila tha kub?k bichar gaya
Mere jurm ki he yehi saza yeh meri wafa ki shikast he
Meri khamoshi ke bayan ko tu samaj k b na samaj saka
Mere aansoun ka payam he dil-e-baynawa ki shikast he
Gham-e-dastan-e-hayat k sub he tazkire hue rayegan
Mere charagar tera yeh hunar meri har ada ki shikast he
Mujhe razmagah-e-hayat men yon kabhi na koi gira saka
Teri khamoshi ki pukar he meri ibtida ki shikast he
Meri jan thora khamosh reh bhala zour kis ka hawaon pr
K jaha b rukh ye badal gaen wahen nakhuda ki shikast he
0 comments:
Post a Comment