Saza Baaqi Hai...

Mainey Samjha Tha Itney Barson Mein
Waqt Ne Kuch Asar Kiya Ho Ga
Yaadein Sab To Mitti Nahin Hon Gi
Unn Ko Madham To Kar Diya Ho Ga
Abb To Mairi Kami Na Ho Gi Ussey
Kuch Tu Woh Bhi Sambhal Gayi Ho Gi
Shidat-e-Dard Ghatt Gayi Ho Gi
Zakhm Dil Ka Bhi Bhar Gaya Ho Ga
Be-rukhi Mairi Daikh Ker Uss Ne
Be-wafa Mujh Ko Keh Diya Ho Ga
Kitni Khush Feham Tha Ye Sochta Tha
Uss Ne Maazi Bhula Diya Ho Ga
Haan Magar Aaj Daikh Ker Uss Ko
Dil Mein Pehli Si Kasak Jaag Utthi
Uss Ki Aankhon Mein Jhaank Ker Daikha
Mairi To Rooh Tak Bhi Kaanp Utthi
Kitni Khamoshi Say Aankhon Mein Nami
Abb Bhi Be-wajah Utar Aati Hai
Jo Faramosh Kar Chuka Hoon Main
Aaj Bhi Dard Bhari Aankhon Mein
Uss Mohabbat Ki Saza Baaqi Hai!!!!!