Main Bahut Yaad Aonga....

Jab samandar main chaand utray ga,
Koi taara kahin pe tootay ga,
Raat ki sard si hawaaon main,
Koi baadal kahin pe barsay ga,
Teray chehray pe maah-o-saal ka rung,
Jaal shiknoon ke bun chuka hoga,
Teri haathon ki sub lakeeron ke,
Faisla waqt kar chuka hoga,

Main bahut yaad aoonga tujhko...

Jab teray roop ki haseen chandni,
Dasht-e-hijraan main jal chuki hogi,
Jab teri aankh se sitaaron ki,
Roshni bhi nikal chuki hogi,
Jab teray is hujoom-e-yaaran main,
Tera taalib na tehray ga,
Aur koi deed ka tamannai
Teray pehlo main aa na bethay ga,

Main bahut yaad aaonga tujhko,

Chandni Jab jalaye gi tujhko,
Teri tanhai kahay gi tujhko,
Khud ko dhonday gi meri nazmoon main,
Is qadar phir sataonga tujhko,
Jab nazar bhi na aonga tujhko,

Main bahut yaad aonga tujhko,
Main bahut yaad aonga tujhko.....

By: Imran Kaifi