Na Hareef-e-Jaan Na....

Na hareef-e-jaan na shareek-e-ghum shub-e-intezar koi tu ho
Kisay bazm-e-shoq main layen hum dil-e-beqarar koi tu ho,

Kisay zindagi hai azeez ab? Kisay aarzooe shub tarab
Magar ae nigaar-e-wafa talab tera aetebaar koi tu ho,

Kaheen taar-e-daaman-e-gul milay tu ye maan lain ke chaman khilay
Ke nishaan fasl-e-bahaar ka sar-e-shaakhsar koi tu ho,

Ye udaas udaas se baam-o-dar Ye ujaar ujaar si rehguzar
Chalo hum nahin na sahi magar sar-e-ko-e-yaar koi tu ho,

Ye sukoon jis ki ghari dhalay tu chiraagh-e-dil hi na bujh chalay
Wo bala se ho ghum-e-ishq ya ghum-e-rozgaar koi tu ho....