Sub Log Liye....

Sub log liye sang-e-malamat nikal aye
Kis shahar main hum ahl-e-muhaabat nikal aye,

Ab dil ki tamanna hai tu aey kaash! yehi ho
Aanso ki jaga aankh se hasrat nikal aye,

Har ghar ka diya gul na karo tum ke najanay
Kis haam se khursheed-e-qayamat nikal aye,

Jo darpay pandaar hain un qatal gahoon se
Jaan de ke bhi samjho ke salamat nikal aye,

Aey hum sukhanao! Kuch tu kaho ehd-e-sitam ki
Ek harf se mumkin hai hikaayat nikal aye,

Yaaron mujhay masloob karo tum ke meray ba'ad
Shayad ke tumhara qad-o-qaamat nikal aye...