Tumhain Pata Hai!!!

Tumhain pata hai mujhay pasand hai
Tumhari chahat ke khuwaab bunna
Yunhi khayalon main chaltay phirtay
Tum se kitni hi baatain karna
Wasl ki tumharay lagan jaga kar
Yunhi raaton ko taaray ginna
Chamaktay chanda pe nazar se apni
Tumharay naam payaam likhna
Dua ke guldaan main hamesha
Tumharay phool sajaye rakhna
Aur apnay aanchal ke ek konay se
Tumhari khuwahish ko baandhay phirna...

Tumhain pata hai Mujhay pasand hai...