Jazbon Ki Tijarat...

Wo jazbon ki tijarat thi ye dil kuch aur samjha tha
Usay hansnay ki adat thi ye dil kuch aur samjha tha,

Humain usne kaha aoo naye Dunya basatay hain
Usay soojhi shararat thi ye dil kuch aur samjha tha,

Hamesha uski ankhon main dhanak se rung hote thay
Ye uski aam haalat thi ye dil kuch aur samjha tha,

Wo mere paas betha dair tak ghazlain meri sunta
Usay khud se muhabbat thi ye dil kuch aur samjha tha,

Meri Ankhon main dekha aur kahin Par kho gaya tha wo
Ye ek waqti enayat thi ye dil kuch aur samjha tha....