Ashiqui...

Aashiqui Be-Dili Se Mushkil Hai
Phir Muhabbat Usi Se Mushkil Hai

ISHQ Aagaaz Hi Se Mushkil Hai
Sabr Karna Abhi Se Mushkil Hai

Hum Aasaan Hain Aur Hamaare Liye
Dushmani Dostii Se Mushkil Hai

Jis Ko Sab Be-Wafa Samajhte Hon
Bewafaai Usi Se Mushkil Hai

Ek Do Doosre Se Sahel Na Jaan
Har Koi Har Kisi Se Mushkil Hai

Tu Baa-Zid Hai To Jaa 'Faraz' Magar
Waapasi Us Gali Se Mushkil Hai