Chalnay Ka Hosla...

Chalne ka hosla nahin, rukna mahaal ker diya
ISHQ ke is safar ne to mujhko nidhaal ker diya

Ay meri gull zamee'n tujhe chah thi ik kitaab ki
ehl-e-kitaab ne magar kya tera haal ker diya

Milte huwe dilon ke beech aur the faisla koi
Usne magar bicharte waqt aur sawal ker diya

Ab ke hawa ke saath hai daman-e-yaar muntazir
bano-e-shab ke haath main rakhna sanmbhal ker diya

Mumkina faislon main ek, hijr ka faisla bhi tha
Humne to ek baat ki, usne kamal ker diya

Mere labon pe mohar thi, per sheesha roo ne to
Sheher ke sheher ko mera waqif-e-haal ker diya

Chehra-o-naam ek saath aaj na yaad aa sake
Waqt ne kis shabeeh ko khuwab-o-khayal ker diya

Muddaton baad usne aaj mujhse koi gila kiya
Mansub dilbari yeh kya mujh ko bahaal ker diya

By: Parween Shakir