Baat Karani Mujhay...

Baat karani mujhe mushkil kabhi aisi to na thi
Jaisi ab hai terii mahafil kabhi aisi to na thi

Le gayaa chhiin ke kaun aaj teraa sabr-o-qarar
Beqarari tujhe aey dil kabhi aisi to na thi

Chashm-e-qaatil meri dushman thi hamesha lekin
Jaise ab ho ga'e qaatil kabhi aisi to na thi

Un ki aankhon ne Khudaa jane kiya kya jadu
Ke tabiyat meri maa'il kabhi aisi to na thi

Aks-e-rukh-e-yaar ne kis se hai tujhe chamakaya
Taab tujh main maah-e-kamil kabhi aisi to na thi

Kya sabab tu jo biga Dataa hai "Zafar" se har bar
Khu teri hoor-e-shamaa'il kabhi aisi to na thi...