Is Se Pehlay...

Is se pehle k bewafaa ho jaayen
Kyon na ae dost hum judaa ho jaayen

Tu bhi heeray se ban gaya patthar
Hum bhi kal, kya se kya ho jaayen

Hum bhi majbooriyon ka uzr karen
Aur phr kahin aur mubtala ho jaayn

Ishq bhi khel hai naseebon ka
Khaak ho jaayen, keemiyaa ho jaayen

Ab k gar tu mile to hum tujh se
Aise lipaten k teri qabaa ho jaayen

Bandagii hum ne chhor dii hai 'Faraz'
Kya karen, log jab Khudaa ho jaayen