Jee Chahta Hai...

Sung-e-marmar se tarasha howa ye shokh badan
Itna dilkash hai ke apnanay ko jee chahta hai,

Surkh honton par tharakti hai wo rangeen sharab
Jis ko pi pi ke bahek janay ko jee chahta hai,

Tum se kya rishta hai kab se hai malom nahin
Lekin is ehsaan pe marjanay ko jee chahta hai,

Hum se bahtar hai ye kitaab jo teray hathon main hai
Bas is kitaab main dhal janay ko jee chahta hai,

Kab se khamosh hoon aey jaan-e-jaana
Kya aur sitam dhaanay ko jee chahta hai?

Apnay hathon se sunwara hai tumhain qudrat ne
Tu hi noor hai, tujh pe marjanay ko jee chahta hai,

Meray dil ko koi na cho payega
Tumhain cho ke ye qasam khanay ko jee chahta hai...