Koun Ayega...

Koun ayega
Shub bhar girtay patton ki awaazain mujh se kehti hain
Koun ayega
Kis ki aahat par mitti ke kaan lagay hain
Khushboo kis ko dhoond rahi hai
Shabnum ka aashob samajh
Aur dekh ke in phoolon ki aankhain
Kis ka rasta dekh rahi hain
Kis ki khaatir
Qarya qarya jaag raha hai
Soona rasta goonj raha hai
Kis ki khaatir
Tanhaai ki khaatir
Tanhaai ke phool nagar main
Shub bhar girtay patton ki awaazain chunti rehti hoon
Apnay sar par tez hawa ke nohay suntay rehti hoon....