Koi Usool-e-Aadab....

Koi Asool-o-Aadaab Zarori Nahin
Ishq-e-Haqeqi me shabab zarori nahin

Azal Se Haath Me Likhi Hain Sazaen
Jurm Ka Irtikab Zaroori Nahin

Ankhon Ki Haya Ke Qayal Hain Hum
Rukh Pe Dalo Naqab Zaroori Nahin

Ankhon Se Chalak Jata Hai Khalos
Koi Jee Aur Janab Zaroori Nahin

Hath Mein Izhar-e-Muhabbat Ke Liye
Riwayati Harba-e-Gulab Zarori Nahin

Toofanon Ka Basera Bhi Ho Sakta Hai
Band Palkon Mein Khuwab Zarori Nahin

Zameer Ka zinda Hona Kaafi Hai
Roshani Ke Liye Aaftab Zarori Nahin

Boseeda Diary Mein Rakh Lo
Ho Shayeri Ki Kitab Zarori Nahin

Rone Ke Or Bhi Kai Tariqey Hain Amjad
Sajao Gaalon Pe Aab Zaroori Nahin.