Udaas Shamain...

Udaas Shameen, Ujrey Rastey, Kabhi Bulain To Lout Aana
Kisi Ki Ankhon Main Rangoon K Azab Aen To Lout Aana

Abhi Nai Vadiyan Naey Nazaron Main Reh Lo Mager Meri Jaa
Yeh Sarey Aik Aik Kar K Jab Tumhin Chor Jain To Lout Aana

Jo Shaam Dhaltey Hi Apni Apni Panah Gahon Ko Loutay Hain
Ager Woh Panchi Kabhi Dastaan Sunain To Lout Aana

Naye Zamano Ka Qarb Orrey Zaief Lamhey, Nidhaal Yaadien
Tumharey Khaboon K Band Kamrey Main Ager Jo Aaen To Lout Aana

Ager Andheron Main Chor Ker Tum Ko Bhool Jain Tumharey Saathi
Aur Apni Khatir Hi Apny Apny Diyey Jalen To Lout Aana

Meri Woh Batin Jin Pay Beikhtiar Tum Hanstey Thay Khilkhila Ker
Bicharny Waley Meri Woh Batin Kabhi Tum Ko Rullaen To Lout Aana