Sub Main Shamil...

Sab Mein Shamil Ho Magar Sab Se Juda Lagti Ho
Sirf Hum Se Hi Nahi Khud Se b Khafa Lagti Ho

Aankh Uthti Hay Na Jhukti Hay Kisi Ki Khatir
Saans Charhti Hay Na Rukti Hay Kisi Ki Khatir

Jo Kisi Dar Pe Na Thehry Vo Hawa Lagti Ho
Zulf Lehraye To Aanchal Mein Chupa Leti Ho

Hont TharTharayein To Daanton Mein Daba Leti Ho
Jo Kabhi Khul Kar Na Barsay Vo Ghata Lagti Ho

Jagi Jagi Nazar Aati Ho Na Soyi Soyi
Tum Jo Ho Apnay Khayalat Mein Khoyi Khoyi

Kisi Mayoos Musawwar Ki Dua Lagti Ho
Apnay Mahol Se Bichri Hoyi Tum Lagti Ho

Pass Baithi Ho Par Uljhii Hoyi Tum Lagti Ho
Beech Apnay Hay Koi Pichlay Janam Ka Rishta

Jaagtay Sotay Mein Dekhi Hoyi Tum Lagti Ho
Yeh Lab-o-Lehja Yeh Aankhein Nahi Iss Duniya Ki

Mujh Ko Mareekh Se Aayi Hoyi Tum Lagti Ho
Chaandni Ratoon Mein Phaili Hoyi Khushboo Ki Tarah

Mujh Ko Har Simt Se Aati Hoyi Tum Lagti Ho
Aik Benaam Udasi Ki Jhalak Chehry Par

Shayed Iss Shehar Se Roothi Hoyi Tum Lagti Ho
Sab Mein Shamil Ho Magar Sab Se Juda Lagti Ho

Sirf Hum Se Hi Nahi Khud Se b Khafa Lagti Ho...!!!