wo samne aye to nazron ko jhukaa loon gaa
dekhoon gaa nahi phir bhi tasweer bana loon ga
aana ho to aa jao ruswayee nahi ho gee
dekhe ga nahi koi palkon main chupa loon ga
jo ham per guzarni hai ik bar guzar jaye
her gham ki tarha tujh ko seene se laga loon ga
weeran agar dil ho ankhon main andhera ho
yaadon ke diye apni palkon main saja loon ga
manzoor agar ho gee ruswayee teree mujh ko
main beth ke sahil se toofaan utha loon ga
naraaz agar wo hain mere nasheman se,
main apnay nasheman ke tinkon ko hata loon ga
kyon mujh se khafa ho ker wo door gaye
baanhon main wo aa jayain main un ko mana loon ga
0 comments:
Post a Comment