Hawa Jab...

hawa jab mushkboo ho kar tera dar khol deti hai
to tou aanchal mein liptey apney johar khol deti hai

mein ghar jab dair say aata hoon tou pani nahi deti
phir aankhein khol kar sara samandar khol deti hai

kabhi jab habs barhta hai tou woh larki takhaiyul mein
koi bahir ki khirki apney andar khol deti hai

mein hathon par lakeroon kay naye kuch jaal bunta hoon
woh zulfein kholti kiya hai , muqadar khol deti hai

usay maloom hai mein lout kar us tak hi aaon ga
woh ghar ki chhat talak ja kar mery par khol deti hai

woh andazay laganey mein kisi ki jan ley ley gi
mein dar ki qaid mein hoon aur woh dar khol deti hai