Maira Ehsas Mut Cheeno

Wo jazbey cheen lu mujh sey
Ju maire ung, mairi rooh , maire dil may baste hain
Jinhain khud may samooney k liye seenay tarastey hain


Wo lamhey cheen lu mujh se
Ju maire zahen ki tarikion may shama roshan hain
mairi khalwout ki khushbu hai,mairi yaddon k gulshan hain


Wo chehray cheen lu mujh se
Ju khad-o-khal nahin ab aeiney main mairi seerat ke
Ju yeh pahlu se aks zofishan hain mairi sooret ke


Wo rishtey cheen lu mujh se
Ju mairey zahen-o-dil may roshni k beij bootay hain
Ju rug rug may lahou ki chaap sey mansoub hotey hain


Wo ankhain cheen lu mujh se
Ju mairi rouha ko nouha hain, mairi zaat ka lahja hai
Jahan dhalta hia,aeinon may ehsasat ka lahja


Wo sapney cheen lu mujh se
Ju in veeran ankhon may abhi taluk jagmagatay hain
Abhi tuk sans laite hain,abhi tuk muskurate hain


Yeh sub kuch cheen lu mujh se
Mager Ey Zalimo ! Mujh se maira ehsas mut cheeno
Tulb ki anhain mut cheeno
Ju maire zabt ki pahchan hai,Wo pyas mut cheeno


Maira Ehsas Mut Cheeno.....