Kabhi Khayal Aata Hai...

Kabhi kabhi khayal aata hai mujhay
Mera tujhko toot ke chahna
Sirf aur sirf tujhay hi yaad karna
Tujh se mulaqaat na ho tu
Ghumzada hojana
Teri berukhi pay aanso bahana
Teray ghum ko apna ghum samajhna
Tu ghumzada ho tu
Mera udaas hojana
Saari dunya se begaani ho kar
Sirf tujhay chaahna
Khuwaab ho ya haqeeqat
Sirf teray hi saraapay ko samnay paana
Teri judaai ke tassawur se
Aankh bhar aana
Kaheen ye meri deewangi na ho
Phir ye sochti hoon
Ye itni muhabbat kis k liye
Kya tum ne bhi mujhay itna chaha hai
Lekin!
Phir ye soch kar hans deti hoon
Kya zaroori hai
Main jisay chaahon
Wo bhi mujhay utna hi chahay....