tum bhi Khafaa ho log bhii bayrahem hain dosto
ab ho chalaa yaqeen ke buray ham hain dosto
kis ko hamaare haal se nisbat hai kyaa karen
ankhain to dushmanon ki bhi pur nam hain dosto
apane sivaa hamaare na hone kaa Gam kise
apani talaash main to ham hii ham hain dosto
kuch aaj shaam hi se hai dil bhii bujhaa bujhaa
kuch shahar ke chiraaG bhii maddham hain dosto
is shahar-e-aarazuu se bhi baahar nikal chalo
ab dil ki raunaqain bhii ko_ii dam hain dosto
sab kuchh sahii 'Faraz' par itanaa zaruur hai
duniyaa me.n aise log bahut kam hain dosto
0 comments:
Post a Comment