Yaad Aaonga...

Tum meri aankh ke taywar na bhula paogay
An kahi baat ko samjhogay tu yaad aonga,

Hum ne khushyon ki tarah dukh bhi ikhattay dekhay
Safha-e-zeest ko palto gay tu yaad aaonga,

Is judai main tum andar se bikhar jaogay
Kisi ma'zoor ko dekho gay tu yaad aaonga,

Isi andaaz main hotay thay mujh se mukhatib
Khat kisi aur ko likhogay tu yaad aaonga,

Meri khushboo tumhain kholaygi gulabon ki tarah
Tum agar khud na bolo gay tu yaad aaonga,

Sard raaton ke mahaktay howe sannatoon main
Jab kisi phool ko chomogay tu yaad aaonga,

Aaj tu mehfoil-e-yaaran pe ho maghroor bahut
Jab kabhi toot ke bikhro gay tu yaad aaonga,

Ab tu ye ashk main honton se chura leta hoon
Haath se khud inhain ponchogay tu yaad aaonga,

Shawl pehnayga ab koun tumhain December main
Barishon main kabhi bheego gay tu yaad aaonga,

Haadsay aaengay jeevan main tu tum ho ke nidhaal
Kisi deewar ko thaamo gay tu yaad aaonga,

Is main shamil hai meray bakht ki taareeki bhi
Tum siyah rung jo pehno gay tu yaad aaonga....

Tumhain Jaana Ijazat Hai...

Tumhain jaana ijazat hai....
Ke in taareek raahon par
Thakan si khud main pao tu
Andhairon se kabhi dil ddol jaye
Thak si jao tu
Meray jaltay howe lamhon
Meray kangaal haathon se chura kar apnay haathon ko
Fiza ki naghmagi se tum naye geeton ko chun lena
Haseen palkon ki nokon par naye kuch khuwab bun lena
Koi gar poch le mera tu us se zikr mat karna
Meray jeevan ki jalti hui do pahar se begharaz hokar
Tum apni chandni raaton main jugnoo paalti rehna
Meri tanhaaiyon ki wahshaton ki fikr mat karna
Tumhain is ki ijazat hai
Meray sub khat jala dena
Meray tuhfoon ko darya main bahana ya daba dena
Meri har yaad ko dil se khurachna aur mita dena
Tumhain bilkul ijazat hai
Ke jab chaho bhula dena
Magar itni guzaarish hai
Agar aisa na ho jaana
Tu acha hai.....!!!!

Maan Ke Naam....

Ye kaamyaabiyan izzat ye naam tum se hai
Khuda ne jo bhi diya hai muqaam tum se hai,

Tumharay dum se hain meray laho main khiltay gulaab
Meray wujood ka sara nizaam tum se hai,

Kahan bisaat-e-jahan aur main kamsin-o-naadan
Ye meri jeet ka sub ehtimam tum se hai,

Jahan jahan hai meri dushmani sabab main hoon
jahan jahan hai mera ihtiraam tum se hai....

Apnay Ehsaas Se Cho kar...

Apnay Ehsaas Say Choo Kay Mujhay Sandal kar do
Main Kay Sadiyon Say Adhoora Hoon Mukkammal Kar Doh

Na Tumhay Hosh Rahay Na Mujhay Hosh Rahe
Iss Qadar Toot Kay Chaho Mujhay Pagal Kar Do

Tum Hatheli Ko Meray Pyar Ki Mahndi Say Rango
Apni Aankhon Mein Meray Naam Ka Kajal Kar Do

Is Kay Saye Tallay Mere Khwab Dahak Uthain Gay
Meray Chehray Pay Chamakta Hua Anchal Kar Do

Dhoop hi Dhoop Hoon Main Toot Kay Barso Mujh Par
Is Kader Barso Meri Rooh Main Jal Thal Kar Do

Jaise Sehrahoon Main Her Shaam Hawa Chalti Hai
Is Tarah Mujh Main challo Aur Mujhe Thall Kar Do

Tum Chuppa Lo Mera Dil Oout Main Apnay Dil Ki
Aur Mujhay Meri Nighaoon Say Bhi Aoujhall Kar Do

Mas'ala Hoon To Nighain Na Churao Mujh Say
Apni Chahat Say Tawajjah Say Mujhay Hal Kar Do

Apnay Gham Say Kaho Har Waqt Meray Sath Rahay
Aik Ehsaan Karo Is Ko Musalsal Kar Do

Mujh Pay Chah Jao Kisi Aag Ki Surat Janaa
Aur Meri Zaat Ko Soohkha Hua jangle Kar Do....

Aankhain Bheeg Jati Hain...

Samandar main utarta hoon tu aankhain bheeg jaati hain
Teri aankhon ko parhta hoon tu aankhain bheeg jaati hain,

Tumhara naam likhnay ki ijazat chin gae jab se
Koi bhi lafz likhta hoon tu aankhain bheeg jaati hain,

Teri yaadon ki khushboo khirkiyon main raqs karti hai
Teray ghum main sulagta hoon tu aankhain bheeg jaati hain,

Main hans ke jhail leta hoon judai ki sabhi rasmain
Galay jab uske lagta hoon tu aankhain bheeg jaati hain,

Na janay hogaya hoon is qadar hassaas main kab se
Kisi se baat karta hoon tu aankhain bheeg jaati hain,

Wo sub guzray howe lamhaat mujhko yaad aatay hain
Tumharay khat jo parhta hoon tu aankhain bheeg jaati hain,

Main saara din bahut masroof rehta hoon magar jonhi
Qadam chokhat pe rakhta hoon tu aankhain bheeg jati hain,

Har ek muflis ke maathay par alam ki daastanain hain
Koi chehra bhi parhta hoon tu aankhain bheeg jaati hain,

Baday logon ke oanchay badnuma aur sard mehlon ko
Ghareeb aankhon se takta hoon tu aankhain bheeg jaati hain,

Teray kochay se ab mera ta'alluq wajabi sa hai
Magar jab bhi guzarta hoon tu aankhain bheeg jaati hain,

Hazaron mousamon ki hukmraani hai meray dil par
Wasi main jab bhi hansta hoon tu aankhain bheeg jaati hain,

Samandar main utarta hoon tu aankhain bheeg jaati hain
Teri aankhon ko parhta hoon tu aankhain bheeg jaati hain......

Mujhay Sandal Kardo...

Apnay Ehsaas Say Choo Kay Mujhay Sandal kar do
Main Kay Sadiyon Say Adhoora Hoon Mujhay Mukkammal Kar Doh

Na Tumhay Hosh Rahay Na Mujhay Hosh Rahe
Iss Qadar Toot Kay Chaho Mujhay Pagal Kar Do

Tum Hatheli Ko Meray Pyar Ki Mahndi Say Rango
Apni Aankhon Mein Meray Naam Ka Kajal Kar Do

Is Ke Saye Tallay Mere Khwaab Dhakk Uthain Ge
Mere Chehray Pe Chamkta Hua Anchal Kar Doh

Dhoop he Dhoop Hoon Main Toot Ke Barso Mujh Per
Is Kader Barso Merii Rooh Main Jal Thal Kar Doh

Jaise Sehrahoon Main Her Shaam Hawa Chalti Hai
Is Tarah Mujh Main challo Aur Mujhe Thall Kar Doh

Tum Chuppa Lo Mera Dil Oat Main Apne Dil Ki
Aur Mujhe Meri Nighaoon Se Bhi Ojhall Kar Doh

Maslaa Hoon Toh Nighain Na Churao Mujh Se
Apni Chahat Se Tawajjah Se Mujhe Hall Kar Doh

Apne Gham Se Kaho Her Wakt Mere Sath Rahe
Aik Ehsaan Karo Is Ko Mossalsal Kar Doh

Mujh Pe Chah Jao Kisii Aag Ki Surat Janaa
Aur Meri Zaat Ko Soohkha Hua jangle Kar Doh

Apna Tu...

Apna tu muhabbat ka yehi usool hai
Jo tu qabool hai tu tera sub kuch qabool hai...

Andheri Raat....

Andheri Raat Main Rehtay Tu Kitna Acha Tha
Hum Apni Zaat Main Rehtay Tu Kitna Acha Tha
Dukhon Ne Baant Liya Hai Tumharay Ba'ad Humain
Tumharay Haath Main Rehtay Tu Kitna Acha Tha....

Hum Se Kya Pochtay Ho???

Hum se kya pochtay ho hijr main kya kartay hain?
Teray lout aanay ki din raat dua kartay hain?

Ab koi hont nahin in ko churanay aatay
Meri aankhon main agar ashk howa kartay hain,

Teri tu janay, Par aey janay tamanna hum tu
Saans ke saath tujhay yaad kiya kartay hain,

Kabhi yaadon main yujhay banhoon main bhar letay hain
Kabhi khuwabon main tujhay choom liya kartay hain,

Teri tasweer laga letay hain seenay se
Phir teray khat se teri baat kiya kartay hain

Gar tujhay chornay ki soch aye dil main
Hum tu khud ko wahin chor diya kartay hain....

Aey Kaash!!!

Aey Kaash!!!
Main teray haseen haath ka kangan hota
Tu bade pyar se, Chau se Bade maan ke saath
Apni nazuk si kalai main charati mujhko
Aur bey-taabi se zarqat ke khazaan lamhon main
Tu kisi soch main dobi jo ghumati mujhko
Main teray haath ki khushbo se mahak sa jaata
Jab kabhi mood main aakar mjhe chooma karti
teray honto ki main jiddat se dahak sa jata
Aur jab kabhi mujhe pyar se tu dekha karti
Meray noor se apni aankhon ko khira karti
Raat ko jab bhi tu neendon ke safar par jati
Marmareen hathon ka ek takya banaya karti
Main teray kaan se lag kar kai batain karta
Teri zulfon ki ghataon main chamka karta
Aur teri zulfon ko tere gaal ko chooma karta
Jab bhi tu band qaba kholti lagti janan
Apni aankhon k teray husn se roshan karta
Mujh ko beytaab sa rakhta teri chahat ka nasha
Kaash!!!
Main tere haseen haath ka kangan hota
Main teri rooh ke gulshan main mahekta rehta
Main tere jism ke aangan main khanakta rahta
Kuch nahin tu ye benaam sa bandhan hota
Aey Kaash!!!
Main teray haseen haath ka kangan hota...
Main teray haseen haath ka kangan hota...